الحرية التي افقدها

حرية تفنى النا لا تنسى لا تسلب تكتب وتذهب لمانعي الحرية ... حريتي اني اغني بفني للحرية حرية يكون عند اخوي حرية عالمية حرية تهدى مني لكل طالب حرية ولكل سجين بفلسطين حرية ابدية حريتي اني اهدي وردة حمرا لا صبية بيني وبينها جدار فاصل ... حريتي تنكب بنار الحرب لما يزيدو على شعبي الحرب شو بعد في جريمة تصير على هاي الارض ما بدي عمري يصير بالزمن قصير لاء ولا قادر يصير بالسجن اسير ... تعريفي للحرية هون عندي مش جميل الحرية هي طفلة تربت في اسرائيل ربطوها واغتصبوها متل يلي بأيدو فيل لحتى الحمل صار عليها تئيل متل يلي بأيدو فيل ... بعد التعريف هات نعمل تفتيش عن مصدر التحريف للحرية خدلك هالتصنيف مثال الحرية بالارهاب يعمل تصديف لغسل دماغ الاجيال وبعدها بعمل تجفيف انا بعترف بشغلة وحدة بالتاريخ راح تكتب تمثال لحنضلة ينصب والاضطهاد هاد بحقنا يشطب بالحق المستحق لما فيها الوطن يفلت

لك عم بفتش على حرية بطريقة سلمية بس اذا ما أجاتني انا حر اخد طرق فرعية يعني امسك قلم ادون اسمي ارفع علم ارفع راسي اثبت وجودي ولو بالدم ... حاولنا نستنجد بالعالم لكن العالم مش مهتم اهل شعبي ميت جوع حاولوا يسمونا سم متل شوكة بحلقو راح نضلنا صامدين حيفا ام الفحم الناصرة عكا حتى جنين هنا باقون كعشرون مستحيل في اللد والرملة والجليل مستحيل انني على الارض اميل خطوة بعد خطوة بنقطع الف ميل ... في ناس ضحوا بأجسادهم مشانك انتا وياه في ناس ضحوا بحريتهم مشانك انتا وياه ترى كيف جرى انو دمنا رخيص ودمهم غالي هم عايشين بسجن وانتا كيف حالك يا خالي بعتمة الزنزانة تنور علينا ايام بتيجي وبتروح وبتشتائلك عنينا نحن شعب لا ننسى اسرانا الحرية لأسرى الحرية هاد يلي بدنا ياه

للحرية اسطر فيها انا حر النا نجر الفاعل عشان هو ينعم بالحرية يتركني مفعول به لفوق داحل سجون الداخل طريق الحرية ضالل انا سائل هل الحرية مجرد مساحة امشي فيها او كلمة مجرد بس بنحكيها لو انا حاصل عليها دخلك خدني ليها فرجيني شغلة وحدة من الحرية شعبي بنعم فيها .... هاتو نروح مشوار علجدار يلي دار على كل بيت في بلادي من جيل اسيادي لا جيل اجيالي لا جيل احفادي أجيال عم تعاني من حيط عالي من ورا اشخاص على حقوقها بنداس عشان في ناس الهم حرية بناء حيط يفوت بين حجار البيت المكسر ويفتش على حرية لا توصف المنظر واذا حطيت الصورة تحت المجهر بتصير تفتش على الحرية اخطر لانك بتهدد أمن دولة فا صعب يكون الك أمن بس مهما يريدو يزيدو يبيدو ويقيمو الحرية راح اضلني مصر على اني افتش على مصطلح اسمو
حرية